ГОВЬ-АЛТАЙ АЙМГИЙН 2024-2025 ОНЫ ӨВӨЛ ХАВРЫН БЭЛЧЭЭРИЙН ДААЦЫГ ТОДОРХОЙЛСОН ДҮН

ГОВЬ-АЛТАЙ АЙМГИЙН 2024-2025 ОНЫ ӨВӨЛ ХАВРЫН БЭЛЧЭЭРИЙН ДААЦЫГ ТОДОРХОЙЛСОН ДҮН

Монгол улсын Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2024-2025 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргав.

Зуншлагын байдал 2024 оны 8 дугаар сарын 20-ны байдлаар нийт нутгийн 60.5  хувьд хэвийн сайн, 39.5 хувьд дунд зэрэг, 0.0 хувьд муу үнэлгээтэй гарсан байна. 

Бэлчээрийн даацыг нийт нутгаар тооцоолж гаргасан дүнгээс үзвэл:

10.5 % нь 50 хүртэлх хувь (бэлчээрийн нөөцтэй)

17.1 % нь 51-100 хувь (бэлчээр хүрэлцээтэй)

47.4 % нь 101-300 хувь (даац 1-3 дахин хэтэрсэн)

9.2 % нь 301-500 хувь (даац 3-5 дахин хэтэрсэн)

15.8 % нь 500 хувиас их (даац олон дахин хэтэрсэн) байна.

Өөрөөр хэлбэл нутгийн 27.6 хувьд мал өвөлжилт, хаваржилт хэвийн байх боломжтой гэж үзэж болохоор байна. Харин нутгийн 72.4 хувь нь өөрийн сумын нутагт мал сүргээ онд оруулах бэлчээрийн хүрэлцээ муу байгаа нь отор нүүдэл хийх, нэмэгдэл тэжээл бэлтгэх, малын тоог бууруулах зэргээр мал өвөлжилт, хаваржилтын ажлыг эртнээс зохицуулах шаардлагатайг харуулж байна.

Говь-Алтайн аймгийн Цогт сумын Баян-Өндөр, Гэгээт, Цээл сумын Бүрэн, Дэрстэй, Төгрөг сумын Цагаанхайрхан, Хүрэнгол, Алтай сумын Бадрал, Эрдэнэ сумын Өлзийт, Тайшир сумын Галуут, Дэлгэр сумын Баян-Өндөр, Бигэр сумын Буудай, Тонхил сумын Тамч багуудын нутагт даац олон дахин хэтэрсэн, Есөнбулаг сумын Есөнбулаг, Рашаант багууд, Халиун сумын Гүү бариач, Бигэр сумын Мянгай, Дэлгэр сумын Гуулин тосгон, Тайшир сумын Далан, Хөхморьт сумын Хүйсийн говь багуудад 3-5 дахин хэтэрсэн, Жаргалан сумдын нийт нутаг,  Бугат сумын Сүж, Гаханч, Ферм, Төгрөг сумын Тунгалаг, Мааньт, Төгрөгийн эх, Халиун сумын Олонбулаг, Сүүж, Чацран, Дэлгэр сумын Баянбуурал, Баянхонгор, Баянсан, Бигэр сумын Эх булаг, Хүрэмт, Урт, Баян-Уул сумын Баянговь, Баянхайрхан, Чандмань хайрхан, Дарив сумын Ихэс, Хужирт, Тонхил сумын Зүйл, Алтайн-Оргил, Хөхморьт сумын Цоохор нуур, Завхангол, Чандмань сумын Эрдэнэ-Уул, Чандмань-Уул, Цээл сумын Баянгол, Жаргалт, Цогт сумын Төгрөг, Далан, Есөнбулаг сумын Наран, Тайшир сумын Хуримт, Шарга сумын Улаантуг багуудын нутагт даац 1-3 дахин хэтэрч гарлаа.

Энэ жил зуншлага оройтсон зарим нутгаар болон малын тоо ихтэй сумдын нутгаар даац хэтэрч гарсан байна. Өвөл-Хаврын бэлчээрийн даац зарим нутгаар хэтэрч гарсан сумдын нутагт өвс хадлан бэлтгэх, нэмэгдэл тэжээл нөөцлөх, отор нүүдэл хийх, малын тоог бууруулах зэрэг арга хэмжээг эртнээс авч, өөрсдийн дотоод нөөц бололцоон дээр тулгуурлан оновчтой, шуурхай зохион байгуулахыг зөвлөж байна. 

            Хянасан: УЦУОШТөвийн дарга                      /Н.Алтантуяа/

ХААЦУ-ын инженер                          /М.Гүнбилэг/
2024-08-30